Медиумска писменост

ВТОРА ФАЗА НА ОБУКИТЕ ЗА МЕДИУМСКА ПИСМЕНОСТ (2:00 - 3:00 )
Во рамки на проектот “Унапредување на медиумската писменост во образованието во Македонија“, кон крајот на август започна вториот дел на обуки со кои беа опфатени наставниците по мајчин јазик од основните и средните училишта од Битола, Ресен, Демир Капија, Кавадарци, Неготино, Демир Хисар и околните помали населени места. Повеќе од 100 наставници и професори беа дел од овие обуки на кои имаа можност да се запознаат со Медиумската писменост како една релативно нова област чија основна цел е да ги унапредува знаењата на младите во однос на улогата и функцијата на медиумите во општеството, и на тој начин кај нив да развива еден критички и аналитички пристап при перцепцијата на медиумските содржини кои произлегуваат како од традиционалните така и од новите медиуми. Овие обуки беа организирани и спроведени од страна на Македонскиот институт за медиуми и Институтот за демократија, во соработка со Европскиот центар за новинарство и Бирото за развој на образованието, финансиски поддржано од програмата МАТРА на холандското Министерство за надворешни работи.

TEDx Скопје (Цел ден)

На 30.10.2010 во Скопје ќе се одржи првиот TEDx настан во земјава.

Пред публика од сто луѓе, 12 говорници ќе ја претстават сопствената работа, интереси како и идеите кои сакаат да ги споделат.

TEDx е програма која е наменета за локални иницијативи кои сакаат да го пресликаат моделот на меѓународната конференција. TED (Technology, Entertainment, Design – технологија, забава, дизајн) е независна непрофитна фондација од САД, чие влијание и популарност во последните 25 години успеа да се прошири низ целиот свет, анимирајќи следбеници со визија за иднината под слоганот „идеи вредни за споделување“ (“ideas worth spreading”). Централниот настан на TED е годишната конференција во САД, на која врвните светски умови имаат по 18 минути да ги презентираат своите идеи. Нивните презентации се објавуваат на официјаниот веб портал TED.com. Главната цел е да се соберат на едно место истакнати визионери и талентирани ентузијасти, кои ќе овозможат создавање атмосфера за ширење креативни идеи од различни области. Говорниците пред публика, во живо, ги презентираат своите идеи и размислувања на интересен и разбирлив начин. Сите презентации се снимаат и се поставуваат на порталот TED.com, каде се достапни бесплатно.

Целодневниот настан во Скопје ќе биде пренесуван во живо на интернет, а презентациите подоцна ќе бидат титлувани на англиски јазик.

 

[текстот е превземен од tedxskopje]

Контакт : Филип Парталовски Url: http://tedxskopje.mk/