Следете ги славните личности на „Foursquare“

Од „Foursquare“ објавија дека постигнале договор со „MTV“ и „VH1“ кој се однесува на промоција на концепт за следење по теркот на „Twitter“, но на славни личности, наречен “Celebrity Mode”. Тоа значи дека корисниците на „Foursquare“ ќе можат да ги следат ѕвездите, без воспоставување на взаемно пријателство – токму како што функционира „Fun page“ на „Facebook“. 

„Facebook“ го престигна „Google“ по број на посети од САД

На крајот од минатата недела, поточно на 13 март, „Facebook“ го презеде првото место од „Google“, како веб-страница со најмогу посети од САД. Најголемата социјална мрежа сличен резултат оствари и за Нова Година и околу Божиќ, и беше само прашање на време кога во „нормален“ ден ќе се случи преземањето на водството. Во тој контекст, сите веруваат дека ова водство ќе биде перманентно.

Во однос на ова време минатата година, посетите на „Facebook“ се зголемени за 185%, додека за истото време „Google“ забележа раст од скромни 9%. Со над 400 милион корисници, „Facebook“ полека но сигурно станува примарна дестинација за најголемиот дел од „сурферите“.

Извор и фото:

AllFacebook

„Twitter“ започна со геолокација на „твитовите“

„Twitter“ ја направи достапна услугата која ги геолоцира твитовите на корисниците. Тоа значи дека од сега па натаму нема да ви бидат потребни апликациите за мобилни телефони од типот на „Tweetie“ за да покажат каде се наоѓате додека „твитате“. Овој потег на „Twitter“ се очекува да придонесе за поголемо споделување на геолокациските податоци при конверзациите, а со тоа  да биде и значајна поддршка за локалните вмрежувања и претраги.

Во моментов услугата им е достапна на 40 проценти од корисниците, и тоа само преку „Firefox“, но се очекува да „проработи“ и на останатите прелистувачи, и за сите корисници на социјалната мрежа за микроблогирање.

Треба да се напомене и дека „Twitter“ не ги геолоцира твитовите автоматски. Потребно е најпрво да го овозможите споделувањето на локацијата во подесувањата, и да се согласите да ја направите оваа информација јавна.

Извор:

Digital Beat

Цел тим „твита“ за Конан О`Брајен

Во еден од своите твитови, Конан О`Брајен објави линк од „Twitpic“ на кој може да се види целиот тим задолжен за составување на 140-карактерските пораки на неговиот профил на „Twitter“.

За колкав тим станува збор, погледнете и сами.

Од „Mashable“ се шегуваат дека „цело село твита“ за популарниот ТВ водител.

Далај Лама на „Twitter“

Во серијата вклучувања на познатите личности на „Twitter“, најнова вест е дека и Далај Лама почнал да ја користи оваа социјална мрежа за микроблогирање.

Инаку, минатата година веќе постоеше профил на Далај Лама на „Twitter“, но се покажа дека станува збор за злоупотреба на неговото име. Овој пат веста е официјално потврдена, па така, вистинскиот Далај Лама сега ќе можете да го следите на @DalaiLama.

Извор:

Mashable

Олимписките игри во Ванкувер – Социјални игри

Спонзорите имаат ново име за Олимписките игри во Ванкувер – Социјални игри. Се смета дека многу повеќе луѓе ќе бидат со поглед врзан за екраните на компјутерите и мобилните телефони, одошто пред телевизорите додека траат ЗОИ 2010. Од Кока-Кола велат дека нивната реклама за време на „Super Bowl“ ја виделе 100 милиони луѓе, додека пак подоцна, по пат на Интернет, таа достигнала 500 милиони интеракции од различен тип. Сега истата формула се применува и за Олимписките игри.