„Microsoft“ ќе претстави телефони специјализирани за социјално вмрежување

Веќе извесно време се зборува за таканаречениот „Project Pink“ на „Microsoft“, а судејќи според „Wall Street Journal“, резултатите од истиот ќе му бидат презентирани на светот на 12 април.

Проектот „Pink” на „Microsoft“ наводно е поврзан со лансирање на цела линија на мобилни телефони со нагласена интегративност во однос на социјалните мрежи, наменета претежно за помладите корисници. Овој пат, се чини дека Microsoft го зеде во свои раце хардверскиот дел од проектот, за разлика од досегашната пракса да се ограничи само на софтверот и да им дозволи на партнерите да решаваат за техничките аспекти на самите уреди.

Според „Wall Street Journal“, телефоните ќе бидат пуштени во продажба на крајот на април. Дотогаш останува да чекаме „да истечат“ некои нови детали. Она што е очигледно е фактот дека „Microsoft“ одбива да биде надвор од трката за пазарот на новата генерација мобилни телефони, а доказ за тоа е и скорешното лансирање на „Windows Phone 7 Series“.

Извор:

Mashable

„Google“: Статичните компјутери ќе бидат безначајни за три години

Зборувајќи на „Digital Landscapes“ конференцијата, Џон Херлихај (John Herlihy), директорот задолжен за онлајн продажба во Европа на „Google“, изјавил дека компанијата е повеќе ориентирана кон мобилните уреди, бидејќи смета дека во иднина тие ќе бидат мошне поважни од статичните компјутери.

Интеграција на „Bump“ со „Facebook“

Дали некогаш сте посакале да станете пријател на „Facebook“ со некој кој тукушто сте го запознале, и тоа на лице место? Сега, доколку имате „iPhone“, ова можете да го сторите само со едно мало потчукнување на телефоните. За сето ова е најзаслужна апликацијата „Bump“ за „iPhone“.